25 కిలోల బంగారం పట్టివేత

హైదరాబాద్ నగరంలో మరొకసారి భారీగా బంగారాన్ని పట్టుకున్నారు. అసోం నుంచి చెన్నైకి బంగారాన్ని తరలిస్తున్న ముఠాని డైరెక్టరేట్ ఆఫ్ రెవెన్యూ ఇంటెలిజెన్స్ అధికారులు వలపన్ని పట్టుకున్నారు. ఈ ముఠా దగ్గర నుంచి 25 కిలోల బంగారాన్ని స్వాధీనం చేసుకున్నారు. దాదాపు 12 కోట్ల రూపాయల విలువ చేసే బంగారాన్ని కారు డాష్ బోర్డ్ లో పెట్టి తీసుకపోతున్నట్లుగా అధికారులు గుర్తించారు. హైదరాబాద్ కు 50 కిలోమీటర్ల దూరంలో ఉన్న పంతంగి టోల్ గేట్ వద్ద కారులో పట్టుకోవడంతో ..బంగారం రవాణా విషయం బయటపడింది. బంగారాన్ని రవాణా చేస్తున్న ముగ్గురిని అధికారులు అరెస్ట్ చేసి రిమాండ్ కు తరలించారు. బంగారం హైదరాబాద్ , చెన్నై లో డెలివరీ చేయాలి ఈ ముగ్గురు వ్యక్తులకు అప్పగించారు. హైదరాబాదు చెన్నై లో బంగారం రిసీవ్ చేసుకునే వారు ఎవరన్న దానిపై అధికారులు సమగ్రంగా దర్యాప్తు చేస్తున్నారు.