ప్రైవేటు పంచాయతీల కోసం ప్రత్యేక ఫ్లైటా?

మాజీ మంత్రి నారా లోకేష్ వైసీపీ ప్రభుత్వంపై ఫైర్ అయ్యారు. ఆయన ట్విట్టర్ లో వైసీపీ ప్రభుత్వంపై విమర్శలు చేశారు. రాష్ట్ర సమస్యల కోసం ఎవరైనా ఢిల్లీ వెళతారని, కానీ వైసీపీ ఎంపీలు మాత్రం తమ పార్టీ పంచాయతీ కోసం ప్రత్యేక విమానంలో వెళ్లారని లోకేష్ ఎద్దేవా చేశారు. గతంలో సెర్బియా పోలీసుల చేతిలో చిక్కుకున్న తమ సహ నిందితుడిని స్వదేశానికి తీసుకురావాలని జగన్ లేఖ రాశారన్నారు. ఇప్పుడు సొంత పార్టీలో పంచాయతీ కోసం ప్రత్యేక విమానంలో వెళ్లారన్నారు. ప్రత్యేక హోదా, నిధుల విడుదల కోసం ఇలా ఎప్పుడైనా ప్రత్యేక విమానంలో వైసీపీనేతలు వెళ్లారా? అని లోకేష్ ప్రశ్నించారు.