ఏపీకి మరో తుపాను ముప్పు అవాస్తవం కానీ.. ఈ తేదీల్లో భారీవర్షాలు ఖాయం

కాగా.. అరేబియాలో కొనసాగుతున్న అల్పపీడనం రానున్న 24-48 గంటల్లో వాయుగుండంగా బలపడుతుందని తెలిపింది. దీని ప్రభావంతో గోవా, మహారాష్ట్ర ప్రాంతాల్లో మోస్తరు వర్షాలు కురుస్తాయని వాతావరణశాఖ పేర్కొంది. ఈ వారానికి తెలుగు రాష్ట్రాల్లో భారీ వర్షసూచన, తుపాను హెచ్చరికలు లేనప్పటికీ.. వచ్చేవారంలో అంటే డిసెంబర్ 19వ తేదీ, ఆ తర్వాత సుమత్రా దీవుల వద్ద ఉపరితల ఆవర్తనం ఏర్పడి అది క్రమంగా అల్పపీడనంగా బలపడుతుందని తెలిపింది. ఆ అల్పపీడనం శ్రీలంక వైపు కదిలితే ఏపీకి భారీ వర్షాల ముప్పు తప్పినట్లేనని, తమిళనాడు వైపుగా వస్తే మాత్రం తెలుగురాష్ట్రాల్లో భారీ వర్షాలుంటాయని హెచ్చరించింది.

డిసెంబర్ 19వ తేదీ నుండి 29వ తేదీ మధ్యకాలంలో ఏపీలో దక్షిణ ప్రాంతంలో, గుంటూరు, కృష్ణ, గోదావరి జిల్లాల్లో, తెలంగాణలో భారీ వర్షాలు కురవవచ్చని వాతావరణశాఖ వెల్లడించింది. భారీ వర్షసూచన నేపథ్యంలో రైతులు అప్రమత్తంగా ఉండాలని హెచ్చరించింది.