Kuppam : హీటెక్కిన కుప్పం… టీడీపీ అగ్రనేత అరెస్ట్

కుప్పం నియోజకవర్గంలో అర్థరాత్రి పోలీసులు తెలుగుదేశం పార్టీ నేతలను అరెస్ట్ చేశారు. మున్సిపల్ ఎన్నికల సందర్బంగా ఆందోళనకు దిగిన మాజీ మంత్రి అమర్ నాధ్ రెడ్డితో సహా 19 మంది టీడీపీ నేతలను పోలీసులు అరెస్ట్ చేశారు. దీంతో కుప్పంలో టెన్షన్ వాతావరణం నెలకొంది. పోలీసులు భారీ బందోబస్తును ఏర్పాటు చేశారు.

నామినేషన్ల ఉపసంహరణ….

కుప్పం మున్సిపాలిటీకి ఎన్నికలు జరుగుతున్న నేపథ్యంలో నామినేషన్ల ఉపసంహరణ పూర్తయినా అధికారులు తుది జాబితాను ప్రకటించలేదు. దీంతో టీడీపీ నేతలు ఆందోళనకు దిగారు. నామినేషన్ల ఉప సంహరణ విషయంలో జరిగిన ఘర్షణ కేసులోనూ పోలీసులు టీడీపీ నేతలను అరెస్ట్ చేశారు. దీనిపై ఈరోజు టీడీపీ నేతలు ఆందోళన చేయనున్నారు.