రమేష్ ఆసుపత్రి నిర్వాకంపై…వారికి నోటీసులు

స్వర్ణ ప్యాలెస్ అగ్నిప్రమాదం కేసులో ఆసక్తికర విషయాలు వెల్లడవుతున్నాయి. ప్రమాదానికి కారణంగా భావిస్తున్న రమేష్ ఆసుపత్రిలో భాగస్వామిగా ఉన్న ఆస్టర్ డీఎం హెల్త్ కేర్ కంపెనీకి పోలీసులు సీఆర్పీసీ 10 కింద నోటీసులు జారీ చేశారు. రమేష్ ఆసుపత్రిలో ఈ కంపెనీ 250 కోట్లు పెట్టుబడులు పెట్టినట్లు పోలీసులు గుర్తించారు. ఈ కంపెనీ దుబాయ్ కేంద్రంగా పనిచేస్తుంది. ఈ కంపెనీకి కూడా నోటీసులు ఇవ్వడంతో ప్రమాదంతో పాటు ఆసుపత్రి పూర్తి వ్యవహారాలపై కూడా పోలీసులు దృష్టి పెట్టినట్లు తెలుస్తోంది. ఇప్పటికే ప్రభుత్వం రమేష‌ ఆసుపత్రిని ఆరోగ్యశ్రీని తప్పించింది. గత ఐదేళ్లలో చేసిన అక్రమాలను కూడా వెలికితీస్తున్నారు.