కేరళ వరద బాధితులకు దర్శకుడు రాఘవ లారెన్స్ భారీ విరాళాన్ని ప్రకటించారు. కష్ట సమయంలో కేరళవాసులకు ఆపన్న హస్తం అందించారు. కేరళకు రూ.కోటి విరాళాన్ని ప్రకటించి తన దాతృత్వాన్ని చాటుకున్నారు. స్వయంగా కేరళ వెళ్లి అక్కడి ప్రజలకు సాయం చేయాలనుకున్నట్లు తెలిపారు. ఈ శనివారం కేరళ ముఖ్యమంత్రిని కలిసి విరాళం అందించనున్నట్లు ప్రకటించారు. వీలైనంత త్వరగా కేరళ కోలుకోవాలని తన ఇష్టదైవమైన రాఘవేంద్ర స్వామిని ప్రార్థిస్తున్నానని తెలిపారు.