సండ్ర గైర్హాజరుకి కారణమేంటి..?

తెలంగాణ ఎమ్మెల్యేల ప్రమాణ స్వీకార కార్యక్రమం ఇవాళ జరిగింది. ప్రొటెం స్పీకర్ ముంతాజ్ అహ్మద్ ఖాన్.. ఎమ్మెల్యేల చేత ప్రమాణస్వీకారం చేయించారు. ఎంఐఎం నేత అక్బరుద్దిన్ ఓవైసీ ప్రమాణస్వీకారానికి హాజరు కాలేదు. ఆయన అనారోగ్య కారణాల వల్లె రాలేదని తెలుస్తోంది. ఇక, ఎంఐఎం స్పీకర్ ముందు ప్రమాణం చేయనని ప్రకటించిన బీజేపీ ఏకైక ఎమ్మెల్యే రాజాసింగ్ కూడా ప్రమాణస్వీకారానికి రాలేదు. ఇక, టీడీపీ ఎమ్మెల్యే సండ్ర వెంకటవీరయ్య కూడా హాజరు కాలేదు. అసెంబ్లీ కంటే ముందు ఎన్టీఆర్ కి నివాళులు అర్పించేందుకు కూడా సండ్ర హాజరుకాలేదు. నియోజకవర్గంలో బిజీగా ఉన్నందునే హైదరాబాద్ కి రాలేకపోయానని ఆయన తెలిపినట్లు సమాచారం. గత కొన్ని రోజులు సండ్ర పార్టీ మారుతారని ప్రచారం జరుగుతున్న సంగతి తెలిసిందే.