విశాఖ కాదు… విజయవాడలోనే

ఆగస్టు 15వ తేదీ స్వాతంత్ర్య దినోత్సవ వేడుకలను విజయవాడలోనే నిర్వహించాలని రాష్ట్ర ప్రభుత్వం నిర్ణయించింది. విశాఖపట్నంలో తొలుత నిర్వహించాలని భావించింది. అయితే మూడు రాజధానుల అంశం హైకోర్టులో పెండింగ్ లో ఉండటంతో విజయవాడలోనే స్వాతంత్ర్య దినోత్సవ వేడుకలను నిర్వహించాలని నిర్ణయించింది. ఈ మేరకు ప్రభుత్వ ప్రధాన కార్యదర్శి నీలం సాహ్ని ఆదేశాలు జారీ చేశారు. విజయవాడలోని మున్సిపల్ స్టేడియంలో స్వాతంత్ర్య దినోత్సవ వేడుకలను నిర్వహించనున్నారు.