సర్జికల్ స్ట్రైక్స్...రెండేళ్ల క్రితం పాక్ ఆక్రమిత కశ్మీర్ లోని ఉగ్రవాద క్యాంపులపై భారత బలగాలు చేసిన దాడులు. రాత్రికి రాత్రే భారత బలగాలు పాక్ ప్రేరేపిత ఉగ్రవాద క్యాంపులపై దాడులు చేసి 38 మంది ఉగ్రమూకలను మట్టుబెట్టాయి. ఈ ఘటన అప్పట్లో సంచలనంగా మారింది. అయితే, సర్జికల్ స్ట్రైక్స్ సమయంలో ప్రతిపక్షాలు ఆధారాలు అడిగినా బయటకు రాని వీడియోలు రెండేళ్ల తర్వాత ఇప్పుడు బయటకు వచ్చాయి. ఈ వీడియోలు నిన్నటి నుంచి వైరల్ గా మారాయి. పలు జాతీయ మీడియా చానళ్లు కూడా ఈ వీడియోలను ప్రసారం చేశాయి. డ్రోన్లతో ఉగ్రవాద క్యాంపులపై దాడులు చేయడం వీడియోలో స్పష్టంగా కనపడుతోంది. అయితే, ఈ వీడియోలు ఫేక్ కాదని, నిజమైనవేనని అప్పుడు దాడులకు సారథ్యం వహించిన రిటైర్డ్ లెఫ్టినెంట్ జనరల్ డీఎస్ హూడా స్పష్టం చేశారు.