కేఆర్ఎంబీ నుంచి తెలంగాణ వాకౌట్

కేఆర్ఎంబీ సమావేశం నుంచి తెలంగాణ అధికారులు వాకౌట్ చేశారు. ప్రాజెక్టుల్లో విద్యుత్ ఉత్పత్తి పై ఇరు రాష్ట్రాల మధ్య భిన్నాభిప్రాయాలు వ్యక్తమయ్యాయి. శ్రీశైలం ప్రాజెక్టులో విద్యుత్తు ఉత్పత్తి నిలిపేయాలని ఇప్పటికే ఏపీ అధికారులు కేఆర్ఎంబీకి లేఖ రాసిన సంగతి తెలిసిందే. ఈ నేేపథ్యంలో ఈరోజు జరిగిన సమావేశంలో ఏపీ అధికారులు ఈ విషయాన్ని మరోసారి ప్రస్తావించారు. కేఆర్ఎంబీ అధికారులు కూడా తమ అనుమతి లేకుండా విద్యుత్తు ఉత్పత్పి చేయకూడదని చెప్పారు. దీంతో ఐదు గంటల పాటు సాగిన ఈ సమావేశం నుంచి తెలంగాణ అధికారులు వాకౌట్ చేశారు. కాసేపట్లో జరగనున్న గోదావరి నదీ యాజమాన్య బోర్డు సమావేశాన్ని కూడా తెలంగాణ బహిష్కరించాలని నిర్ణయించినట్లు తెలిసింది.