నేటి నుంచి రేవంత్ పాదయాత్ర

రేవంత్ రెడ్డి మొత్తం రెండు నెలల పాటు పాదయాత్ర చేయనున్నారు. యాభై అసెంబ్లీ నియోజకవర్గాలను టచ్ చేస్తూ ఈ పాదయాత్ర వెళ్లనుంది. ప్రజాసమస్యలను తెలుసుకుంటూ, కేంద్ర, రాష్ట్ర ప్రభుత్వాల వైఫల్యాలను ఎండగడుతూ ఈ యాత్రను రేవంత్ రెడ్డి కొనసాగించనున్నారు. ఉదయం 11 గంటలకుక మేడారంలోని సమ్మక్క సారలమ్మ గద్దెల వద్ద పూజలు నిర్వహించిన అనంతరం పన్నెండు గంటలకు పాదయాత్ర ప్రారంభమవుతుంది.

తొలి రోజు మేడారం నుంచి బయలుదేరి కొత్తూరు, నార్లాపూర్, ప్రాజెక్ట్ నగర్ వరకూ యాత్రను కొనసాగిస్తారు. ప్రాజెక్టు నగర్ లో భోజన విరామానికి ఆగుతారు. అనంతరం 4.30 గంటలకుద యాత్ర ప్రారంభమై పస్రా కూడలిలో సమావేశం నిర్వహిస్తారు. రాత్రి ఎనిమిది గంటలకు రామప్ప గ్రామం చేరుకుంటారు. రాత్రికి రేవంత్ రెడ్డి అక్కడే బస చేస్తారు. రేవంత్ రెడ్డి పాదయాత్రను విజయవంతం చేసేలా కాంగ్రెస్ పార్టీ నేతలు అన్ని చర్యలు తీసుకున్నారు.