నాల్గో విడత లాక్ డౌన్ లో సడలింపులు ఇవేనట

గనేటితో మూడో విడత లాక్ డౌన్ ముగిసింది. ఈరోజు కేంద్ర ప్రభుత్వం నాలుగో విడత లాక్ డౌన్ పై ప్రకటన చేయనుంది. లాక్ డౌన్ కొనసాగింపుతో పాటు మరిన్ని మినహాయింపులతో నాలుగో విడత లాక్ డౌన్ రానుంది. మూడో విడతలో మినహాయింపులు ఇచ్చిన కేంద్ర ప్రభుత్వం నాలుగోవిడతలో పూర్తి స్థాయిలో మినహాయింపులు ఇచ్చే అవకాశముంది. ప్రధానంగా ప్రజా రవాణా వ్యవస్థను పునరుద్ధరించే అవకాశముంది. అంతరాష్ట్ర సర్వీసులు కూడా ప్రారంభయ్యే అవకాశాలున్నాయి. దీంతో పాటు కంటెయిన్ మెంట్ జోన్ లను మినహయించి మిగిలిన ప్రాంతాల్లో లాక్ డౌన్ మినహాయింపులు ఉండనున్నాయి. షాపింగ్ మాల్స్, సినిమా థియేటర్లకు మాత్రం మినహాయింపులు లభించే అవకాశాలుండవు.సాధారణ పరిస్థితికి తీసుకువచ్చేలా మినహాయింపులు నాలుగో విడత లాక్ డౌన్ లో ఉంటాయంటున్నారు. మే నెలాఖరు వరకూ లాక్ డౌన్ ను పొడిగించే అవకాశాలున్నాయి.