లాక్ డౌన్ సమయంలోనూ కిడ్నాప్…కలకలం

లాక్ డౌన్ సమయంలో కూడా నేరాలు చేసే వారు పెరిగిపోతున్నారు. అదను చూసి అమ్మాయిని కిడ్నాప్ చేసేందుకు ప్రయత్నించారు. నలుగురు దుండగులు హుమయూన్ నగర్ ప్రాంతంలో నివసిస్తున్న షరీఫ్ కూతురిని కిడ్నాప్ చేసేందుకు యువకులు ప్రయత్నం చేశారు. ఉదయం ఇంటి నుంచి మొహమ్మద్ షరీఫ్ తన కూతురుతో కలిసి బయటకు వచ్చాడు. గేట్ బయటకు రాగానే ఒక యువకుడు తనతో పాటు తెచ్చుకున్న బాటిల్స్, కారంపొడిని తండ్రి షరీఫ్ పై చల్లాడు. షరీఫ్ వెంటనే కింద పడిపోయాడు. ఇది గమనించిన కూతురు తండ్రిని పైకి లేపే ప్రయత్నం చేసింది. ఇంతలో మరొక యువకుడు వచ్చి యువతి ని గట్టిగా పట్టుకొని ఎత్తుకెళ్లి వెళ్ళిందుకు ప్రయత్నం చేశాడు. ఇంతలో అక్కడికి నలుగురు చేరుకున్నారు. వీరంతా కలిసి యువతిని కారు ఎక్కించి తీసుకు వెళ్లేందుకు ప్రయత్నించారు. మరోవైపు ఇద్దరు యువకులు తండ్రి నీ పట్టుకొని తీవ్రంగా కొట్టారు. ఇద్దరూ గట్టిగా కేకలు వేయడంతో పాటు నలుగురు నీ ప్రతిఘటించడంతో వాళ్లు అక్కడి నుంచి పారిపోయారు. కిడ్నాప్ కు ప్రయత్నించిన వ్యక్తి ఎండీ బెగ్ గా పోలీసులు గుర్తించారు. కిడ్నాప్ దేనికోసం చేశాడన్న విషయాన్ని పోలీసులు కనుక్కునే ప్రయత్నంలో ఉన్నారు.