ఘోర రోడ్డు ప్రమాదం… ఇద్దరి మృతి

హైదరాబాదులో తెల్లవారుజామున జరిగిన రోడ్డు ప్రమాదంలో ఇద్దరు యువకులు అక్కడికక్కడే మృతి చెందగా మరొకరి పరిస్థితి విషమంగా ఉంది.. మహేశ్వరం లోని ఫ్యాబ్ సిటీ వద్ద జరిగిన రోడ్డు ప్రమాదంలో ఇద్దరు మరణించారు. హైదరాబాద్ నుంచి మహేశ్వరం వైపు వెళ్తున్న సమయంలో కారు ఒక్కసారిగా బోల్తా కొట్టింది. అత్యంత వేగంగా వెళ్తున్న సమయంలో కారు బోల్తా కొట్టడంతో ఇద్దరు యువకులు అక్కడికక్కడే చనిపోయారు. కందుకూరు గ్రామానికి చెందిన వికాస్ రెడ్డి, భార్గవ్ రెడ్డి అక్కడికక్కడే చనిపోగా మరో యువకుడి పరిస్థితి విషమంగా ఉంది. ఈ ముగురు యువకులు కూడా ప్యాబ్ సిటీలోని రేడియంట్ కంపెనీలో పని చేస్తున్నారు. ఓవర్ స్పీడ్ తో కారు నడపడం వల్ల బోల్తా కొట్టిందని అధికారులు తెలిపారు. కారు బోల్తా కొట్టి నుజ్జునుజ్జు కావడంతో మృతదేహాలను బయటకు తీసేందుకు అధికారులు చాలా శ్రమించాల్సి వచ్చింది. జేసీబీ సహాయంతో మృతదేహాలను బయటికి తీశారు. అందులో ఇరుక్కుపోయిన మృతదేహాలను బయటికి తీసి పోస్టుమార్టం నిమిత్తం ఉస్మానియా ఆస్పత్రికి తరలించారు..