చంద్ర‌బాబు దీక్ష‌పై విజ‌య‌సాయిరెడ్డి వ్యంగ్యాస్త్రాలు

ముఖ్యమంత్రి చంద్ర‌బాబు నాయుడు ధ‌ర్మ‌పోరాట దీక్ష‌పై వైఎస్సార్సీపీ ఎంపీ విజ‌య‌సాయిరెడ్డి వ్యంగ్యాస్త్రాలు సంధించారు. చంద్ర‌బాబు త‌న బ్లాక్ షర్టుల‌ను దాచిపెట్టుకోవాల‌ని, ఎన్నిక‌ల త‌ర్వాత ప్ర‌జ‌ల‌పై ఆయ‌న నిర‌స‌న తెల‌పాలి క‌దా అని ఎద్దేవా చేశారు. న‌ల్ల చొక్కాల్లో అమావాస్య రాత్రి దొంగ‌త‌నాలు చేసే బందిపోట్ల‌లా తెలుగు త‌మ్ముళ్లు ఉన్నార‌ని ఎద్దేవా చేశారు. ప‌రీక్ష‌కు గంట ముందు సిల‌బ‌స్ చ‌దివే పిల్ల‌ల్లానే చంద్ర‌బాబు ప్ర‌వ‌ర్త‌న ఉంద‌న్నారు. పిల్ల‌లు ఆరాటం కొద్ది ప‌రీక్ష ముందు చ‌దువుతారు కానీ ప‌రీక్ష‌లో ఏదీ గుర్తుండ‌ద‌ని, చంద్ర‌బాబు దీక్ష కూడా వృధానే అన్నారు. చంద్ర‌బాబు దొంగ దీక్ష‌ను ఎవ‌రూ ప‌ట్టించుకోకున్నా కుల మీడియా మాత్రం గంట‌ల పాటు అవే విజువ‌ల్స్ వేసి త‌మ జాతిపిత రుణం తీర్చుకుంటున్నార‌ని పేర్కొన్నారు.