జాతీయ రాజ‌కీయాల్లోనూ జ‌గ‌న్ కీల‌క పాత్ర‌

భారీ మెజారిటీతో వైఎస్సార్ కాంగ్రెస్ పార్టీ అధికారంలోకి రాబోతోంద‌ని, జాతీయ ఛాన‌ళ్ల‌న్నీ ఇదే చెబుతున్నాయ‌ని వైఎస్సార్ కాంగ్రెస్ పార్టీ నేత స‌జ్జ‌ల రామ‌కృష్ణారెడ్డి పేర్కొన్నారు. మంగ‌ళ‌వారం ఆయ‌న మీడియాతో మాట్లాడుతూ… జాతీయ స్థాయిలోనూ జగ‌న్ కీల‌క‌పాత్ర పోషిస్తార‌ని అన్నారు. స‌ర్వేల‌పై తేల్చుకునేందుకు ఈ నెల 19న తాము సిద్ధమ‌ని, టీడీపీ సిద్ధమా అని స‌వాల్ విసిరారు. ఫ‌లితాలు వ‌చ్చే కొద్ది రోజుల ముందు కేబినెట్ స‌మావేశం ఎందుక‌ని ప్ర‌శ్నించారు. రివ్యూల పేరుతో చంద్ర‌బాబు రోజుకో డ్రామా చేస్తున్నార‌ని, ఓట‌మి భ‌యంతోనే చంద్ర‌బాబు ఈ హంగామా చేస్తున్నార‌ని పేర్కొన్నారు. చంద్ర‌బాబు తీరులో ఎక్క‌డా హుందాత‌నం క‌నిపించ‌డం లేద‌న్నారు. టీడీపీది గ‌త‌మ‌ని, వైసీపీది భ‌విష్య‌త్ అన్నారు.