Fact Check: ہوانگ ژوان انٹرچینج پُل دکھانےکا دعویٰ کرنے والی ویڈیو جزوی طور پر جعلی ہے
کہ اس ویڈیو میں چین میں تعمیر کردہ ہوانگ ژوان انٹرچینج پل دکھایا گیا ہے اور یہ دنیا میں انجینئرنگ کا ایک کمال ہے۔
کثیرالجہتی اور پیچیدہ سڑک کے سسٹم کو دکھاتے ہوئے ایک ویڈیو اس دعوے کے ساتھ وائرل ہورہی ہے کہ اس ویڈیو میں چین میں تعمیر کردہ ہوانگ ژوان انٹرچینج پل دکھایا گیا ہے اور یہ دنیا میں انجینئرنگ کا ایک کمال ہے۔ ویڈیو میں سڑکوں کو زگ زیگ انداز میں ایک کے اوپر ڈھانپا ہوا دکھایا گیا ہے۔
ویڈیو کا بیانیہ دعویٰ کرتا ہے کہ ہؤنگ ژوآن کا حیرت انگیز انٹرچینج پل ہر کسی کو سحر زدہ کر دے گا۔ ایک غلط موڑ چونگ کنگ ایڈونچر کا باعث بن سکتا ہے۔
سوشل میڈیا کے کئی صارفین نے اسی طرح کے ویژوولس اور بیانیہ کو شیئر کیا ہے، اور وضاحت کی ہے کہ ویڈیو میں نظر آنے والا منظر ہوانگ ژوان انٹرچینج پُل کا ہے۔
فیکٹ چیک:
دعویٰ جزوی طور پر غلط ہے۔ ویڈیو میں دکھائے گئے کئی ویژوولس ڈیجیٹلی طور پر بدل دئیے گئے ہیں۔ صرف چند ویژوولس جو ویڈیو کے درمیان میں ہیں، وہ اصلی ہیں۔
جب ویڈیو سے نکالے گئے کلیدی فریموں کو گوگل ریورس امیج سرچ کا استعمال کرتے ہوئے تلاش کیا گیا تو ہمیں مختلف نتائج ملے جو اس بات کی تصدیق کرتے ہیں کہ ویڈیو میں نظر آنے والے زیادہ تر ویژولز کو ڈیجیٹل طور پر تبدیل کیا گیا ہے۔
آئیے ہم یہ سمجھنے کے لیے فریم بہ فریم چیک کرتے ہیں کہ ویڈیو کے کن ویژولز کو تبدیل کیا گیا ہے۔
اسکرین شاٹ-1
جب اس ویڈیو کے اسکرین شاٹ کی تلاش کی گئی تو ہمیں معلوم ہوا کہ یہ ایک میوزیکل اور آڈیو ویژول ویڈیو کا ہے جسے موسیقار میکس کوپر نے Repetition نام سے پبلش کیا ہے۔
12 ستمبر 2019 کو میکس کوپر کے فیس بک پیج پر شائع ہونے والی پوسٹ میں کہا گیا ہے کہ آج کی نئی میوزک ویڈیو - 'ریپیٹیشن'، جو مستقبل کے شہروں کے مناظر کے ساتھ موسیقی اور ویژوولی طور پر لاگو کی گئی ہے، جسے حیرت انگیز ویژوول آرٹسٹ کیون میکگلوگلن نے زندہ کیا ہے۔
یہ تمام نئے آڈیو ویژول پروجیکٹ 'یرننگ فار دی انفینیٹ' کا حصہ ہے، ’اسٹف‘ کی ہماری لامتناہی جستجو کے بارے میں، اس سے کوئی فرق نہیں پڑتا، لیکن ہم بار بار اس ویڈیو کے آخر میں عجیب و غریب انجام کی طرف بڑھتے رہتے ہیں، جیسا کہ اس ویڈیو میں دکھانے کی کوشش کی گئی ہے ۔ لیکن یہ سب بری خبر نہیں ہے، ہم نے موسیقی کے لحاظ سے ایک گہرا نقطہ نظر آزمایا اور ایسا لگتا ہے کہ یہ فٹ نہیں ہے، ہمارے دہرائے جانے والے حصول میں کچھ خوبصورت ہے۔ یہاں دیکھیں https://ffm.to/repetitionvid’
Awesomer نامی ویب سائٹ میں بیان کیا گیا ہے کہ یہ ویژوولس آرٹسٹ کیون میک گلوگھلین کی ٹیم نے میوزیشین میکس کوپر کے تعاون سے دماغ کو جھنجھوڑ دینے والے اس آڈیو ویشول کی تیاری کے لیے مل کر کام کیا ہے۔عظیم فلپ گلاس کے کام کی یاد دلاتے ہوئے، کوپر کی دہرائی جانے والی اور ڈرائیونگ کی آوازیں غیر حقیقی مناظر میں جھلکتی ہیں جنہیں ڈیجیٹل طور پر کاپی کیا گیا،اسے ٹوئیک کیا گیا اور نہ ختم ہونے والے ریپیٹیشن کے لیے پیسٹ کیا گیا۔
اسکرین شاٹ-2
جب بغور مشاہدہ کیا جائے تو ہمیں پتہ چلتا ہے کہ ویژول ایک ہی بریج کے ویڈیو کو دہرایا جانے والا لوپ ہے اور یہ ہونگ ژوآن انٹرچینج پل نہیں ہے۔
اسی طرح کے ویژول اس دعوے کے ساتھ وائرل ہوئے تھے کہ وہ شنگھائی میں نانپو پل ہے جسے سوچ فیکٹ چیک نے 2022 میں ڈی بنک کر دیا تھا۔
ان ویژوولس کا معائنہ کرنے کے بعد، جب ہم نے ہوانگ ژوان انٹرچینج پل کے فضائی مناظر کی تلاش کی تو ہمیں بہت ہی دلچسپ ویژوولس ملے، جن میں سے کچھ وائرل ویڈیو میں دیکھے جا سکتے ہیں، لیکن ان میں سے بہت سے مشابہت نہیں رکھتے۔
پیپلز ڈیلی، چائنا میں پبلش کیے گئے پُل کے ویڈیو یہاں دیکھیے۔
Adobe Stock Website کے ذریعہ شائع کردہ پل کے کچھ ویژوولس یہاں دیکھیں۔
اس لیے، وائرل ویڈیو میں کئی ڈیجیٹل طور پر تبدیل شدہ اور نقل کیے گئے ویژوولس استعمال کیے گئے ہیں تاکہ دیکھنے والوں کو یقین ہو جائے کہ یہ سب ہوانگ ژوان انٹرچینج پل سے تعلق رکھتے ہیں، جو کہ ایک ناقابل یقین انجینئرنگ معجزہ ہے، جو کہ سچ نہیں ہے۔ اگرچہ ویڈیو میں کچھ ویژوولس پل کو دکھاتے ہیں، وہیں بہت سے ویژوولس ڈیجیٹل طور پر تبدیل کردیئے گئے ہیں. دعویٰ جزوی طور پر غلط ہے۔