Chandrababu : వరద బాధితులకు భారీ గుడ్ న్యూస్ చెప్పిన చంద్రబాబు

వరద బాధితులకు ఆంధ్రప్రదేశ్ ముఖ్యమంత్రి చంద్రబాబు నాయుడు గుడ్ న్యూస్ చెప్పారు. వరద బాధితులకు అండగా ఈ ప్రభుత్వం ఉంటుందని తెలిపారు. బుడమేరుకు పడిన గండ్లు యుద్ధప్రాతిపదికన పూడ్చేందుకు పనులు చేస్తున్నామని తెలిపారు. మొత్తం మూడు గండ్లు పడితే అందులో రెండు గండ్లు పూడ్చగలిగామని, మరో ఒక గండిని ఆర్మీసాయంతో పూడ్చేందుకు రేయింబవళ్లూ పనిచేస్తున్నారని తెలిపారు. చంద్రబాబు మీడియాతో మాట్లాడారు. 76. 2 శాతం పారిశుద్ధ్య పనులు పూర్తయ్యాయని ప్రజలు సంతృప్తి వ్యక్తం చేశారని ఐవీఆర్ఎస్ సర్వే ద్వారా చెప్పారు. మెడికల్ క్యాంప్‌లు ఇంకా కొనసాగుతున్నాయని తెలిపారు. ఆహార పదార్థాలలో నాణ్యత బాగుందని ప్రజల నుంచి ఫీడ్ బ్యాక్ వచ్చిందని చంద్రబాబు నాయుడు తెలిపారు. 3,12,303 ఫుడ్ పాకెట్లను పంపిణీ చేశామని తెలిపారు. 11 లక్షల యాభై నాలుగువేల వాటర్ బాటిల్స్, 4 లక్షల మిల్క్ ప్యాకెట్లను పంపిణీ చేశామని చంద్రబాబు తెలిపారు.