చంద్రబాబు శ్రీవారికి పట్టు వస్త్రాలు సమర్పించేది ఎప్పుడంటే?

ఆంధ్రప్రదేశ్ ముఖ్యమంత్రి చంద్రబాబు నాయుడు ఈ ఏడాది తిరుమలలో శ్రీవారికి పట్టు వస్త్రాలను సమర్పించనున్నారు. దసరా సందర్భంగా జరిగే బ్రహ్మోత్సవాలకు సంబంధించి తిరుమల తిరుపతి దేవస్థానం అధికారులు తేదీలు నిర్ణయించారు. శ్రీవారి సాలకట్ల బ్రహ్మోత్సవాలు అక్టోబరు 4వ తేదీ నుంచి ప్రారంభమై పన్నెండవ తేదీ వరకూ జరుగుతాయి. అక్టోబరు 8వ తేదీన భక్తులు ప్రముఖంగా భావించే గరుడ వాహనసేవ ఉంటుందని అధికారులు తెలిపారు. ఇందుకు సంబంధించిన ఏర్పాట్లను టీటీడీ ఈవో శ్యామలరావు సమీక్షించారు.