Chandrababu : నేడు నారావారాపల్లిలో చంద్రబాబు నాయుడు

మండలంలోని నారావారిపల్లి గ్రామంలో గురువారం ఉదయం ముఖ్యమంత్రి స్వగృహం నందు జరిగే మాజీ ఎమ్మెల్యే నారా రామూర్తి నాయుడు కర్మ క్రియలకు హాజరయ్యేందుకు వివిధ ప్రాంతాల నుంచి రాష్ట్ర మంత్రులు, ఎమ్మెల్యేలు, ఎంపీలు వీఐపీల రానున్న సందర్భంగా తిరుపతి జిల్లా ఎస్పీ ఎల్ సుబ్బరాయుడు, ఏఎస్పీ రవి మనోహర్ ఆచారి, చంద్రగిరి డిఎస్పి బి ప్రసాద్, సీఐ సుబ్బరామిరెడ్డిల ఆధ్వర్యంలో భారీ పోలీసు బందోబస్తు ఏర్పాటు చేశారు. వీఐపీల కార్ పార్కింగ్, చెక్ పోస్ట్లు, భోజనశాల వద్ద ప్రత్యేక పోలీస్ బందోబస్తు ఏర్పాటు చేశారు. ఎక్కడ ఎలాంటి అవాంఛనీయ సంఘటనలు జరగకుండా జాగ్రత్తలు తీసుకోవాలని పోలీస్ సిబ్బందిని ఎస్పీ ఆదేశించారు.