TDP : మరో సర్వే రిలీజ్... తెలుగు తమ్ముళ్ల జోష్ మామూలుగా లేదుగా
ఏపీ లో మరో సర్వే సంచలనం రేపుతుంది. ఈ సర్వేలో మాత్రం టీడీపీ, జనసేన కూటమికి అత్యధిక స్థానాలు వస్తాయని అంచనా వేసింది.
ఆంధ్రప్రదేశ్ లో మరో సర్వే సంచలనం రేపుతుంది. అయితే ఈ సర్వేలో మాత్రం టీడీపీ, జనసేన కూటమికి అత్యధిక స్థానాలు వస్తాయని అంచనా వేసింది. ఆజ్‌తక్, సీఓటరు నిర్వహించిన ఈ సర్వేలో అత్యధిక స్థానాలు కూటమి కైవసం చేసుకుంటుందని పేర్కొంది. ఏపీ ఎన్నికలకు ముందు వస్తున్న సర్వేలు ఆసక్తిని రేపుతున్నాయి. జాతీయ మీడియా సంస్థలు ఈ సర్వేలు నిర్వహిస్తుండటంతో సర్వేల పట్ల ప్రజల్లో మరింత ఆసక్తి పెరుగుతుంది. జరుగుతున్న రాజకీయ పరిణామాలు కూడా అలాగే కనిపిస్తున్నాయి.
ఓట్లు శాతం ఇలా...
తెలుగుదేశం పార్టీ ఓటు షేరింగ్ శాతాన్ని కూడా పెంచుకుంది. 2019 ఎన్నికల్లో 40 శాతం ఓటు షేర్ సంపాదించుకున్న టీడీపీ, ఇప్పటికప్పుడు ఎన్నికలు జరిగితే 45 శాతం ఓటు షేర్ సాధిస్తుందని ఈ సర్వేలో తేలింది. వైసీపీ గత ఎన్నికల్లో 49 శాతం ఓట్లు రాగా ఈసారి మాత్రం 41 శాతానికే పరిమితమవుతుందని సర్వేలో వెల్లడయింది. ఎన్డీఏ కు రెండు శాతం, ఇండియా కూటమికి మూడు శాతం, ఇతరులకు తొమ్మిది శాతం ఓట్లు వస్తాయని ఈ సర్వే వెల్లడించింది.