Cabinet Meeting : మంత్రి వర్గ సమావేశంలో చంద్రబాబు సీరియస్

ప్రభుత్వం ఏర్పాటయి ఆరు నెలలు కావస్తుందని, పనితీరుపై నివేదిక ఇవ్వాలని ముఖ్యమంత్రి చంద్రబాబు నాయుడు ఆదేశించారు. ఎవరెవరు ఏం చేశారో సమగ్ర నివేదిక ఇవ్వాలని కోరారు. దీంతో పాటు కొందరు మంత్రులపై కూడా చంద్రబాబు ఆగ్రహం వ్యక్తం చేసినట్లు సమాచారం. పనితీరును మెరుగుపర్చుకోవాలని, శాఖలపై అవగాహన ఇంకా పెంచుకోవాలని కోరారు. అలాగే జిల్లా ఇన్ ఛార్జి మంత్రులు మూడు పార్టీల నేతల మధ్య నియోజకవర్గాల్లో సమన్వయం ఉండేలా చర్యలు తీసుకోవాలని కోరారు. ప్రధానంగా రాయలసీమ జిల్లాల్లో ఇన్ ఛార్జి మంత్రుల పనితీరుపై చంద్రబాబు అసంతృప్తి వ్యక్తం చేసినట్లు తెలిసింది.