28న విశాఖ పర్యటనకు వెళ్లనున్న సీఎం జగన్

అమరావతి : ఏపీ సీఎం వైఎస్ జగన్ మోహన్ రెడ్డి ఈనెల 28న విశాఖ పర్యటనకు వెళ్లనున్నారు. పర్యటనలో భాగంగా అక్కడ వేలాది మంది లబ్ధిదారులకు ఆయన ఇళ్లపట్టాలు అందజేయనున్నారు. ఈ మేరకు వైఎస్సార్ కాంగ్రెస్ పార్టీ ట్వీట్ చేసింది. జగన్ పర్యటనకు సంబంధించిన అన్ని ఏర్పాట్లను అధికార యంత్రాంగం పూర్తి చేసింది. విశాఖ నగర శివారులో ఒకేచోట 72 లే అవుట్లను అధికారులు సిద్ధం చేశారు. మొత్తం 300 ఎకరాల మేర విస్తీర్ణంలో 9 వేలమంది పేదలకు ఇళ్ల స్థలాలను కేటాయించారు. వాటి పట్టాలను సీఎం జగన్ లబ్ధిదారులకు అందజేయనున్నారు.