Tirumala : తిరుమలలో పూర్తిగా తగ్గిన భక్తుల రద్దీ.. నేరుగానే దర్శనం

తిరుమలలో భక్తుల రద్దీ సోమవారం నుంచి గురువారం వరకూ కొంత తక్కువగానే ఉంటుంది. తిరిగి శుక్ర, శని, ఆదివారాల్లో రద్దీ పెరుగుతుంది. ఇందుకు అనుగుణంగా అధికారులు ఏర్పాట్లు చేస్తున్నారు. భక్తులు దర్శన సమయం కూడా తక్కువగా ఉండటంతో అత్యధిక మంది ఒకేరోజు రెండుసార్లు శ్రీవారిని దర్శించుకుంటున్నారు. ఈరోజు తిరుమలలోని వైకుంఠం క్యూ కాంప్లెక్స్ లోని అన్ని కంపార్ట్ మెంట్లన్నీ ఖాళీగానే ఉన్నాయి. నేరుగా శ్రీవారిని దర్శించుకునే వీలు కలుగుతుంది. ఉచిత దర్శనం క్యూ లైన్ లోకి ఈరోజు ఉదయం టోకెన్ లేకుండా ప్రవేశించిన భక్తులకు శ్రీవారి దర్శనం ఆరు గంటల సమయం మాత్రమే పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు రెండు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు గంటల్లో పూర్తవుతుందని అధికారులు తెలిపారు. నిన్న తిరుమల శ్రీవారిని 67,496 మంది భక్తులు దర్శించుకున్నారు. వీరిలో 19,064 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.33 కోట్ల రూపాయలు వచ్చిందని అధికారులు తెలిపారు.