Tirumala : తిరుమలలో తగ్గిన భక్తుల రద్దీ.. నేడు శ్రీవారి దర్శన సమయం ఎంతంటే?

తిరుమలలో భక్తుల రద్దీ నేడు తగ్గింది. బుధవారం కావడంతో భక్తుల రద్దీ ఎక్కువగా లేదు. కంపార్ట్ మెంట్లు చాలా వరకూ ఖాళీగానే కనిపిస్తున్నాయి. అలాగే మాడ వీధుల్లో కూడా భక్తుల సంచారం పెద్దగా కనిపించడం లేదు. చలి తీవ్రత, వర్షాల కారణంతో పాటు వారం మధ్య కావడంతో తిరుమలలో రద్దీ స్వల్పంగానే ఉందని తిరుమల తిరుపతి దేవస్థానం అధికారులు అంచనా వేస్తున్నారు. భక్తులు ఈ సీజన్ లో ఎక్కువ మంది వచ్చే అవకాశముంది. ప్రధానంగా కేంద్ర, రాష్ట్ర ప్రభుత్వోద్యోగులతో పాటు ప్రయివేటు సంస్థల్లోపనిచేస్తున్న వారికి డిసెంబరు నెల కావడంతో తాము వినియోగించుకోని సెలవులు ఎక్కువగా ఉంటాయి. ఈ సెలవులలో తిరుమలను దర్శించుకుని శ్రీవారి వద్ద మొక్కులు చెల్లించుకునేందుకు ఎక్కువ మంది ఇష్టపడతారు. అందుకే డిసెంబరు నెల మొత్తం తిరుమలకు భక్తుల రద్దీ సహజంగా ఎక్కువగా ఉంటుందన్న అంచనాలో ఉన్నారు. తిరిగి ఎల్లుండి నుంచి భక్తుల రద్దీ ఎక్కువ కానుందని అధికారులు భావిస్తున్నారు. రద్దీ ఎక్కువయినా అత్యంత వేగంగా స్వామి వారి దర్శనం చేసుకునేందుకు వీలు కల్పిస్తున్నట్లు అధికారులు తెలిపారు. అదే సమయంలో భక్తుల సంఖ్య తక్కువగా ఉన్నప్పటికీ వారికి ఎలాంటి ఇబ్బందులు కలగకుండా అధికారులు తగిన చర్యలు తీసుకుంటున్నారు.