Tirumala : తిరుమలలో నేడు భక్తుల రద్దీ ఇలానా? ఆదివారం కూడా

తిరుమలలో భక్తుల సంఖ్య తక్కువగా ఉండటంతో అధికారులు కూడా లడ్డూల తయారీ సంఖ్యను తగ్గించారు. ఎక్కువ లడ్డూలు తయారు చేస్తే మళ్లీ పాడయి పోయే అవకాశముందని భావించి ఈ నిర్ణయం తీసుకున్నట్లు తెలిసింది. ఈరోజు తిరుమలలోని వైకుంఠం క్యూ కాంప్లెక్స్ లోని అన్ని కంపార్ట్‌మెంట్లలో భక్తులు లేక ఖాళీగా ఉన్నాయి. తిరుమల శ్రీవారిని నేరుగా దర్శించుకునే వీలుంది. ఉచిత దర్శనం క్యూ లైన్ లో ఉన్న భక్తులకు శ్రీవారి దర్శనం ఈరోజు ఆరు గంటల సమయం పడుతుందని తిరుమల తిరుపతి దేవస్థానం అధికారులు చెబుతున్నారు. టైమ్ స్లాట్ దర్శనం భక్తులకు రెండు గంటల సమయం పడుతుందని, మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు గంటలలో పూర్తవుతుందని అధికారులు తెలిపారు. నిన్న తిరుమల శ్రీవారిని 77,844 మంది భక్తులు దర్శించుకున్నారు. వీరిలో 27,418 మంది భక్తులు తమ తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.27 కోట్ల రూపాయలు వచ్చిందని అధికారులు తెలిపారు.