Pawan Kalyan : హేళన చేస్తే ఊరుకోను.. పవన్ వార్నింగ్

ఎంత మంది హేళన చేసినా గత ఎన్నికల్లో హండ్రెడ్ పర్సెంట్ విజయం సాధించామని తెలిపారు. తనకు ఏ రాజకీయ పార్టీపై ద్వేషం లేదన్నారు. తనకు ఆగ్రహం లేదన్నారు. తన జీవితంలో ఇలాంటి రోజు రాకూడదని భావించానని అన్నారు. వెంకన్నకు అపచారం జరిగితే మాట్లాడకుండా ఎలా ఉంటామని పవన్ కల్యాణ్ ప్రశ్నించారు. తాము రాష్ట్ర అభివృద్ధిపైనే ఫోకస్ పెట్టామని తెలిపారు. తనను, తన కుటుంబాన్ని ఎన్నో అవమానాలు చేసినా తాను భరించానని, కానీ సనాతన ధర్మం పరిరక్షణ కోసం ప్రాయశ్చిత్త దీక్ష చేస్తున్నానని తెలిపారు. కల్తీ ప్రసాదాలు పెట్టారని, అన్నప్రసాదాన్ని సరిగా నిర్వహించలేదన్నారు. సనాతనధర్మాన్ని మట్టిలో కలిపేస్తామన్న వారిపై గొడవ పెట్టేందుకే ఈ సమావేశానికి వచ్చానని తెలిపారు.