Tiruamala : తిరుమలకు పోటెత్తిన భక్తులు.. దర్శన సమయం ఎంతంటే?

తిరుమలలో ఈ తొమ్మిది రోజుల పాటు భక్తుల సంఖ్య లక్షల్లో ఉంటుందని భావిస్తున్నారు. అందుకే అన్ని రకాల ఆంక్షలను పెట్టారు. ప్రయివేటు ట్యాక్సీలను కూడా తిరుమల కొండపైకి తొమ్మిది రోజుల పాటు అనుమతించడం లేదు. గరుడ సేవ రోజు ద్విచక్ర వాహనాలపై కూడా నిషేధం విధించారు. ఈరోజు వైకుంఠం క్యూ కాంప్లెక్స్ లోని 12 కంపార్ట్‌మెంట్లలో భక్తులు వేచి ఉన్నారు. ఈరోజు ఉచిత దర్శనం క్యూ లైన్ లోకి టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 63,376 మంది భక్తులు దర్శించుకున్నారు. వీరిలో 25,146 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారని అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.56 కోట్ల రూపాయలు వచ్చిందని అధికారులు వెల్లడించారు. రాత్రికి ముఖ్యమంత్రి చంద్రబాబు నాయుడు కూడా తిరుమలకు చేరుకుని శ్రీవారికి పట్టువస్త్రాలను సమర్పించనున్నారు.