Tirumala : తిరుమలలో నేడు కూడా కొనసాగుతున్న భక్తుల రద్దీ

తిరుమలలో నేటితో స్వామి వారి బ్రహ్మోత్సవాలు ముగియనున్నాయి. చక్రస్నానం వీక్షించేందుకు వేల సంఖ్యలో భక్తులు హాజరయ్యారు. నమో వెంకటేశాయ అంటూ భక్తులు నినాదాల మధ్య చక్రస్నాన కార్యక్రమం ముగిసింది. రాత్రికి ధ్వజా అవరోహణంతో బ్రహ్మోత్సవలు ముగియనున్నాయి. ఈరోజు తిరుమలలోని వైకుంఠం క్యూ కాంప్లెక్స్‌లోని పన్నెండు కంపార్ట్‌మెంట్లలో భక్తులు వేచి ఉన్నారు. ఉచిత దర్శనం క్యూ లైన్ లో వేచి ఉన్న భక్తులకు శ్రీవారి దర్శనం పన్నెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 71,443 మంది భక్తులు దర్శించుకున్నారు. 26,948 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 2.52 కోట్ల రూపాయల ఆదాయం వచ్చింది. ఈరోజు శనివారం కూడా కావడంతో భక్తులు అధిక సంఖ్యలో వచ్చారు. శని, ఆదివారాలు సహజంగా తిరుమలలో భక్తుల రద్దీ ఎక్కువగా ఉంటుంది. దసరా సెలవులు కావడంతో భక్తుల రద్దీ కొనసాగుతుంది.