Tirumala : తిరుమలలో నేడు అదిరిపోయే రష్.. భక్తుల క్యూ లైన్ ఎంత పొడవంటే?
నేడు కూడా తిరుమలలో భక్తుల రద్దీ కొనసాగుతుంది. శుక్రవారం కావడంతో భక్తుల రద్దీ మరింత పెరిగింది
నేడు కూడా తిరుమలలో భక్తుల రద్దీ కొనసాగుతుంది. శుక్రవారం కావడంతో భక్తుల రద్దీ మరింత పెరిగింది. రేపు, ఎల్లుండి అంటే శని, ఆదివారాలు రష్ మరింత పెరుగుతుందని తిరుమల తిరుపతి దేవస్థానం అధికారులు అంచనా వేస్తున్నారు. అందుకు తగిన ఏర్పాట్లు చేస్తున్నారు. పెద్ద క్యూ లైన్లతో పాటు భక్తులు ఇబ్బంది పడకుండా అన్ని చర్యలను టీటీడీ అధికారులు తీసుకుంటున్నారు. గత కొంత కాలంగా తిరుమలలో భక్తుల రద్దీ పెరగడంతో అందుకు అవసరమైన ఏర్పాట్లను ఎప్పటికప్పుడు చేస్తూ అధికారులు భక్తులు ఇబ్బంది పడకుండా అవసరమైన అన్ని చర్యలు తీసుకుంటున్నారు. వసతి గృహాల వద్ద కూడా పెద్దగా వేచి ఉండకుండానే వెంటనే గదులు కేటాయింపు జరిగేలా అధికారులు చర్యలకు దిగారు. దీంతో పాటు అన్నదానం వద్ద కూడా రద్దీని తగ్గించడానికి తగిన ఏర్పాట్లను చేస్తున్నారు. తిరుమలలో ఇటీవల కాలంలో వరస సెలవులు రావడంతో పాటు రద్దీ ఒక్కసారిగా పెరగడంతో టీటీడీ అధికారులు అప్రమత్తమై అందుకు తగిన చర్యలకు దిగారు.