Andhra Pradesh : నేటి తెల్లవారు జాము నుంచే పింఛన్ల పంపిణీ

డిసెంబరు 1వ తేదీ పింఛను పంపిణీ చేయాల్సి ఉన్నా ఆదివారం కావడంతో శనివారం అంటే నవంబరు 30వ తేదీన పింఛన్ల పంపిణీ చేయాలని కూటమి ప్రభుత్వం నిర్ణయించింది. ఇందుకు సంబంధించిన నిధులను కూడా విడుదల చేసింది. దాదాపు 65 లక్షల మంది లబ్ది దారులకు పింఛన్లు పంపిణీ చేయనున్నారు. వృద్ధులు, వితంతువులకు నాలుగు వేల రూపాయలు, దివ్యాంగులకు ఆరు వేల రూపాయల చొప్పున పంపిణీ చేయనున్నారు. ఈ కార్యక్రమంలో ముఖ్యమంత్రితో పాటు మంత్రులు, ఎమ్మెల్యేలు కూడా పాల్గొనాలని అధినాయకత్వం ఆదేశించారు.