TDP : టీడీపీ రాష్ట్ర అధ్యక్షుడిగా పల్లా శ్రీనివాసరావు నియామకం

టీడీపీ ఆంధ్రప్రదేశ్ రాష్ట్ర అధ్యక్షుడిగా పల్లా శ్రీనివాసరావు నియమితులయ్యారు. ఈ మేరకు టీడీపీ జాతీయ అధ్యక్షుడు చంద్రబాబు ఉత్వర్వులు జారీ చేశారు. ప్రస్తుతం అధ్యక్షుడిగా ఉన్న అచ్చెన్నాయుడుకు మంత్రి పదవి దక్కడంతో పల్లా శ్రీనివాసరావుకు పార్టీ అధ్యక్ష బాధ్యతలను అప్పగించారు. బీసీ సామాజికవర్గానికి చెందిన పల్లా శ్రీనివాసరావు ఇటీవల జరిగిన ఎన్నికల్లో గాజువాక నియోజకవర్గం నుంచి విజయం సాధించారు. రాష్ట్రంలో అత్యధిక మెజారిటీని సాధించారు. ప్రత్యర్థి వైసీపీ అభ్యర్థి గుడివాడ అమర్‌నాధ్ పై 95,235 ఓట్ల తేడాతో గెలుపొందారు.