రేపు పీఆర్సీపై జగన్ తో భేటీ

ఆంధ్రప్రదేశ్ లో పీఆర్సీపై రేపు స్పష్టత రానుంది. ముఖ్యమంత్రి జగన్ రేపు ఉద్యోగ సంఘాలతో సమావేశమయ్యే అవకాశాలున్నాయి. ఇప్పటికే ఉద్యోగ సంఘాలతో ప్రభుత్వం పలు దఫాలు చర్చలు జరిపింది. ప్రభుత్వ సలహాదారు సజ్జల రామకృష్ణారెడ్డి, ఆర్థిక మంత్రి బుగ్గన రాజేంద్ర నాధ్ రెడ్డి చర్చలు జరిపారు. అయితే తమకు 48 శాతం ఫిట్ మెంట్ కావాలని ఉద్యోగ సంఘాలు పట్టుబడుతున్నాయి. దీనికి ప్రభుత్వం సుముఖంగా లేదు.