Tirumala : తుపానులోనూ కొనసాగుతున్న తిరుమలలో రద్దీ

తిరుమలలో గత రెండు రోజుల నుంచి భారీ వర్షాలు కురుస్తున్నాయి. రెండు రోజుల నుంచి తిరుమలలో భక్తుల రద్దీ ఏ మాత్రం తగ్గడం లేదు. అతి భారీ వర్షాలు కురుస్తాయని వాతావరణ శాఖ చెప్పినప్పటికీ భక్తులు మాత్రం తిరుమల వెంకటేశ్వరుడిన దర్శంచుకునేందుకు క్యూ కట్టడం విశేషం. ఈరోజు తిరుమలలోని వైకుంఠం క్యూ కాంప్లెక్స్ లోని ఇరవై కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో వేచి ఉన్న భక్తులకు శ్రీవారి దర్శనం పదిహేను గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ భక్తులకు దర్శనం ఐదు గంటల సమయం పడుతుందని చెప్పారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మూడు నుంచి నాలుగు గంటల సమయం పడుతుంది. నిన్న తిరుమల శ్రీవారిని 73, 891 దర్శించుకున్నారు. ఇక నిన్న తిరుమల శ్రీవారి హుండీ ఆదాయం 3.53 కోట్ల రూపాయల వచ్చిందని అధికారులు తెలిపారు.