Tirumala : తిరుమలలో ఈరోజు మళ్లీ పెరిగిన రద్దీ

తిరుమలలో ఈ మూడు రోజుల పాటు భక్తుల రద్దీ కొనసాగుతుందని, అందుకే అన్ని ముందస్తు ఏర్పాట్లు చేశామని చెప్పారు. శ్రీవారి మెట్ల నడక మార్గాన్ని కూడా పునరుద్ధరించారు. భారీ వర్షాలు తగ్గుముఖం పట్టడంతో పాపవినాశనం, కళాతోరణం వంటివి మళ్లీ తెరుచుకోవడంతో భక్తులు అక్కడకు చేరుకుని స్నానమాచరిస్తున్నారు. ఈరోజు తిరుమలలోని వైకుంఠం క్యూ కాంప్లెక్స్‌లోని ఇరవై ఆరు కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఈరోజు ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు నుంచి పదిహేను గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ టోకెన్ ఉన్న భక్తులకు శ్రీవారి దర్శనం ఐదు గంటల సమయం పడుతుంది. మూడు వందల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 58,637 మంది భక్తులు దర్శించుకున్నారు. వీరిలో 21,956 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.69 కోట్ల రూపాయల వచ్చిందని అధికారులు తెలిపారు.