Breaking : సునీత పిటీషన్‌పై సుప్రీం ఆదేశాలివే

వైఎస్ అవినాష్‌రెడ్డికి తెలంగాణ హైకోర్టు ఈ నెల 25వ తేదీ వరకూ మధ్యంతర బెయిల్ మంజూరు చేసింది. తనకు ముందస్తు బెయిల్ ఇవ్వాలని అవినాష్ రెడ్డి కోరడంతో హైకోర్టు ఈ మేరకు ఉత్తర్వులు జారీ చేసింది. సీబీఐ విచారణకు మాత్రం మూడు రోజుల నుంచి హాజరవుతున్నారు. వివేకా హత్యకేసులో కీలకంగా ఉన్న అవినాష్ రెడ్డికి మధ్యంతర ఉత్తర్వులు ఇస్తూ 25వ తేదీ వరకూ అరెస్ట్ చేయవద్దని తెలిపింది. దీనిపై సునీత సుప్రీంకోర్టులో పిటీషన్ వేయగా దానిపై విచారణ జరిపి హైకోర్టు ఇచ్చిన మధ్యంతర ఆదేశాలపై స్టే విధించింది. సోమవారం కోర్టులో తిరిగి విచారణ ప్రారంభమవుతుంది.