Tirumala : తిరుమలలో పెరిగిన భక్తుల రద్దీ.. కార్తీక మాసం సోమవారం కావడంతో?

కార్తీక సోమవారం తిరుమల శ్రీనివాసుడిని దర్శించుకుంటే పుణ్యమని భావించిన అనేక మంది నిన్ననే తిరుమలకు చేరుకున్నారు. ఈరోజు స్వామి వారిని దర్శించుకుని తమ మొక్కులు చెల్లించుకున్నారు. హుండీ ఆదాయం కూడా బాగానే ఉంది. ఈరోజు తిరుమలలోని వైకుంఠం క్యూ కాంప్లెక్స్ లోని పది కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు స్వామి వారి దర్శనం మూడు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయం పడుతుందని అధికారులు తెలిపారు. నిన్న తిరుమల శ్రీవారిని 82,233 మంది భక్తులు దర్శించుకున్నారు. వీరిలో 26,415 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.45 కోట్ల రూపాయలు వచ్చిందని అధికారులు తెలిపారు.