Tirumala : తిరుమలలో భారీగా పెరిగిన భక్తుల రద్దీ ... ఒక్కసారిగా పెరగడంతో?
తిరుమలలో భక్తులు రద్దీ ఎక్కువగా ఉంది. శుక్రవారం కావడంతో భక్తులు అధిక సంఖ్యలో తిరుమలకు చేరుకున్నారు
తిరుమలలో భక్తులు రద్దీ ఎక్కువగా ఉంది. శుక్రవారం కావడంతో భక్తులు అధిక సంఖ్యలో తిరుమలకు చేరుకున్నారు. కంపార్ట్ మెంట్లన్నీభక్తులతో నిండిపోయాయి. శ్రీవారి దర్శనానికి కూడా గంటల సమయం పడుతుంది. సహజంగా శుక్ర, శని, ఆదివారాలు భక్తుల రద్దీ ఎక్కువగా ఉంటుంది. శుక్రవారం తిరుమలకు చేరుకున్న భక్తులు శనివారం కూడా స్వామి వారిని దర్శించుకుని తమ మొక్కులు చెల్లించుకుని ఆ తర్వాత ఆదివారం తమ గమ్యస్థానాలకు తిరిగి వెళతారు. వారంలో మూడు రోజుల పాటు భక్తుల రద్దీ ఎక్కువగా ఉంటుంది. అందుకే ఈ మూడు రోజుల్లో తిరుమల తిరుపతి దేవస్థానం అధికారులు భక్తులు ఎలాంటి ఇబ్బందులు పడకుండా అన్ని చర్యలు తీసుకుంటారు. ఎక్కడ చూసినా భక్తులే కనిపిస్తున్నారు. అన్న ప్రసాదం క్యాంటిన్ నుంచి లడ్డూల కౌంటర్ వరకూ భక్తుల సంఖ్య ఎక్కువగా ఉండటంతో అందుకు అనుగుణంగా అధికారులు చర్యలు తీసుకుంటున్నారు. శని, ఆదివారాల్లో కూడా తిరుమలలో భక్తుల రద్దీ ఎక్కువగా ఉంటుందని అధికారులు అంచనా వేసి అందుకు అనుగుణంగా చర్యలు ప్రారంభించారు.