Breaking : తిరుమల లడ్డూ వివాదం - స్వతంత్ర దర్యాప్తుకు ఆదేశం

తిరుమలలో లడ్డూ కల్తీపై నేడు సుప్రీంకోర్టులో విచారణ ప్రారంభమయింది. సొలిసిటర్ తుషార్ మెహతా తమకు సిట్ దర్యాప్తుపై ఎలాంటి అభ్యంతరం లేదని చెప్పారు. సిట్ సభ్యులపై తమకు ఎలాంటి సందేహాలు లేవని తెలిపారు. టీటీడీ తరుపున సిద్ధార్థ లూథ్రా తన వాదనలను వినిపించారు. కేంద్ర అధికారి పర్యవేక్షణ ఏర్పాటు చేస్తే మంచిదని కూడా తుషార్ మెహతా సూచించారు. అయితే సీబీఐ నుంచి ఇద్దరు, సిట్ నుంచి ఇద్దరు సభ్యులు, ఎఫ్‌ఎస్ఎస్ఏఐ తరుపునఒక అధికారి మొత్తం ఐదు సభ్యులతో కూడిన బృందంతో దర్యాప్తు జరిపితే బాగుంటుందని సుప్రీంకోర్టు ధర్మాసనంలో జస్టిస్ గవాయ్ అభిప్రాయపడినట్లు తెలిసింది. ఈ బృందానికి సీబీఐ డైరెక్టర్ పర్యవేక్షణలో దర్యాప్తు జరగాలని కోరింది.