Talliki Vandanam : తల్లికి వందనంపై బిగ్ అప్ డేట్.. నేడు కేబినెట్ కీలక నిర్ణయం

ఆంధ్రప్రదేశ్ ప్రభుత్వం తల్లికి వందనం పథకం పై నేడు కీలక నిర్ణయం తీసుకోనుంది. విధివిధానాలను నిర్ణయించనుంది. గత ఎన్నికలకు ముందు చదువుకునే ప్రతి విద్యార్థికి ఏడాదికి పదిహేను వేల రూపాయలు ఇస్తామని చంద్రబాబు హామీ ఇచ్చారు. ఈ మేరకు మొన్నటి బడ్జెట్ లో లో నిధులు కేటాయింపులు చేసింది. 9,407 కోట్ల రూపాయలను కేటయిస్తూ ప్రభుత్వం నిర్ణయం తీసుకుంది. వచ్చే విద్యా సంవత్సరం నుంచి తల్లికి వందనం పథకాన్ని అమలు చేయనున్నారు. మే నెల నుంచి లబ్దిదారుల ఎంపిక ప్రక్రియ పూర్తి కానుంది. పాఠశాలలు తిరిగి ప్రారంభమయ్యే నాటికి ఈ పథకానికి సంబంధించిన నిధులు జమ చేయాలన్న ఉద్దేశ్యంతో ప్రభుత్వం ఉంది. నేడు జరిగే మంత్రి వర్గ సమావేశంలో తల్లికి వందనం పథకం విధివిధానాలపై చర్చ జరిపి ఒక నిర్ణయం తీసుకోనున్నారు.