Prakasham Barrage ప్రకాశం బ్యారేజీ బోట్ల ఆరోపణలపై వైఎస్ జగన్ ఆగ్రహం

ఈ ఆరోపణలను వైసీపీ బలంగా తిప్పికొట్టింది. గేట్లను ఢీకొట్టిన బోట్లు టీడీపీ నేతలవేనని ఆ పార్టీ సోషల్ మీడియా ఖాతాలలో వీడియోలను పంచుకున్నారు. తాజాగా వైసీపీ అధినేత జగన్ మోహన్ రెడ్డి టీడీపీ ఆరోపణలను ఖండించారు. చంద్రబాబు బోట్ల రాజకీయం చేస్తున్నారని, బోట్లకు ఎవరి హయాంలో పర్మిషన్‌ వచ్చిందని ప్రశ్నించారు. చంద్రబాబు గెలవగానే ఇదే బోట్లపై విజయోత్సవాలు చేశారని, బాబు, లోకేష్‌తో కలిసి బోటు ఓనర్‌ ఉషాద్రి ఫొటోలు దిగాడన్నారు. టీడీపీ హయాంలోనే ఈ బోట్లకు అనుమతి ఇచ్చారని, ఈ బోట్లన్నీ టీడీపీ నేతలకు చెందినవేనన్నారు. వాస్తవాలు వక్రీకరించి రాజకీయం చేస్తున్నారని, ప్రజలకు తోడుగా నిలవకుండా నేరాన్ని వైసీపీపై నెడుతున్నారని వైఎస్ జగన్ ఫైర్ అయ్యారు. తుపాను వస్తుందని ముందే చెప్పినా చంద్రబాబు పట్టించుకోలేదని, తన ఇంటిని రక్షించుకునేందుకు విజయవాడను ముంచారని ఆరోపించారు. బుడమేరు గేట్లు ఎత్తి విజయవాడను ముంచేశారని, చంద్రబాబు చేసిన తప్పుడు పనికి 60 మందికిపైగా చనిపోయారని వైఎస్ జగన్ అన్నారు. చంద్రబాబు నాయుడుపై కేసు పెట్టాలని వైఎస్ జగన్ డిమాండ్ చేశారు.