YSRCP : వైస్సార్సీపీకి రిలీఫ్.. కోర్టు స్టేటస్ కో
వైఎస్సార్ కాంగ్రెస్ పార్టీకి ఆంధప్రదేశ్ హైకోర్టులో ఊరట లభించింది
andhra pradesh high court
వైఎస్సార్ కాంగ్రెస్ పార్టీకి ఆంధప్రదేశ్ హైకోర్టులో ఊరట లభించింది. వైసీపీ కార్యాలయ భవనాల కూల్చి వేతలపై హైకోర్టు స్టే విధించింది. రేపటి వరకూ ఈ స్టే కొనసాగుతుందని తెలిపింది. ప్రభుత్వం నుంచి పూర్తి వివరాలను అందచేయాలని ఆదేశించింది. తదుపరి విచారణను రేపటికి హైకోర్టు ధర్మాసనం వాయిదా వేసింది.
పది జిల్లాల్లో...
మొత్తం పది జిల్లాల్లో నిర్మించిన, నిర్మాణంలో ఉన్న వైసీపీ భవనాలకు ఈ ఊరట లభించింది. రేపు వీటిపై విచారణ జరుపుతామని తెలిపింది. మొత్తం 26 జిల్లాల్లో నిబంధనలకు విరుద్ధంగా పార్టీ కార్యాలయాలను నిర్మించారని మున్సిపల్ అధికారులు ఆ యా జిల్లాల పార్టీ అధ్యక్షులకు నోటీసులు జారీ చేసిన నేపథ్యంలో పది జిల్లాల పిటీషన్లు హైకోర్టులో దాఖలయ్యాయి. వీటిపై విచారణ రేపు జరగనుంది.