రెండు ముఠాల నుండి 10 లక్షల పైచిలుకు హాష్ ఆయిల్ పట్టివేత

తెలంగాణ రాష్ట్ర వ్యాప్తంగా మాదకద్రవ్యాలను రూపుమాపేందుకు పోలీస్ శాఖ తీవ్రంగా కృషి చేస్తూ ఈ నేపథ్యంలోని ప్రత్యేక ఎస్ ఓ టి బృందాన్ని ఏర్పాటు చేసి గుట్టు చప్పుడు కాకుండా మాదకద్రవ్యాలను హైదరాబాదుకు తరలిస్తున్న ముఠాలపై నిఘా పెడుతున్నారు. ఈ నేపథ్యంలోనే బాలాపూర్ ఎస్ఓటి బృందం, మాదాపూర్ ఎస్ఓటి బృందం సనత్ నగర్ పోలీసులతో కలిసి జాయింట్ ఆపరేషన్ నిర్వహించి హష్ ఆయిల్ ను హైదరాబాద్కు తరలిస్తున్న రెండు ముఠాలను అరెస్టు చేశారు. వారి వద్ద నుండి భారీ ఎత్తున హర్ష ఆయిల్ స్వాధీనం చేసుకున్నారు.. ఎస్ఓటి బృందం నిన్న ఒక ముఠాను మరియు ఈరోజు ఉదయం మరో ముఠాను అరెస్టు చేశారు... మేడ్చల్ కు చెందిన బుద్రజ్ యూటేష్ వర్మ(27), సూరారం కి చెందిన మామిడి వెంకట హరికృష్ణ (28), జీడిమెట్ల కు చెందిన సయ్యద్ ఇమ్రాన్ (23) ఈ ముగ్గురు స్నేహితులు ప్రైవేటు ఉద్యోగం చేస్తున్నారు. అయితే వీరికి వచ్చే సంపాదన వారి జల్సా లకు సరిపోవడం లేదు. దీంతో సులభ పద్ధతిలో డబ్బులు సంపాదించాలని నిర్ణయించుకున్నారు. ఈ మేరకు వైజాగ్ కి చెందిన కొండబాబుతో పరిచయం ఏర్పడింది... అయితే హర్ష ఆయిల్ తీసుకువచ్చి హైదరాబాదులో అవసరమైన వినియోగదారులకు అమ్మితే అధిక లాభాలు వస్తాయని కొండబాబు చెప్పడంతో నిందితులు ముగ్గురు ఆంధ్రప్రదేశ్ రాష్ట్రంలోని వైజాగ్ నుండి తక్కువ ధరకు హష్ ఆయిల్ కొనుగోలు చేసుకుని హైదరాబాద్కు తరలిస్తున్నారు. అయితే బాలనగర్ మాదాపూర్ ఎస్ఓటి పోలీసులకు విశ్వసనీయమైన సమాచారం రావడంతో వెంటనే రంగంలోకి దిగి 22వ తేదీ ఈరోజు ఉదయం 7:00 గంటలకు నిజాంపేట్ క్రాస్ రోడ్ బాచుపల్లి వద్ద కారులో వస్తున్న ముఠాను పట్టుకున్నారు. ముటేష్ వర్మ, వెంకట హరికృష్ణ ను పట్టుకొని వారి వద్ద నుండి 5 ml తో ఉన్న 230 చిన్న బాటిల్స్ ని, మూడు సెల్ ఫోన్లు, ఒక షిఫ్ట్ కారు మొత్తం కలిపి 10,10,000 విలువ గల వాటిని స్వాధీనం చేసుకున్నారు..