యువతిపై సామూహిక అత్యాచారం.. నిందితుల్లో బీజేపీ నేత కుమారుడు?

జిల్లా ఎస్పీ ప్రదీప్ శర్మ తెలిపిన వివరాలు ఇలా ఉన్నాయి. నలుగురు యువకులు బాలికను, ఆమె సోదరిని అపహరించి ఓ ఇంటికి తీసుకెళ్లారు. అక్కడ సోదరిపై సామూహిక అత్యాచారం, తనపై లైంగిక దాడికి పాల్పడినట్లు పేర్కొంది. ఈ మేరకు బాలిక ఫిర్యాదు చేయగా.. కేసు నమోదు చేశామని జిల్లా ఎస్పీ ప్రదీప్ శర్మ తెలిపారు. ఇద్దరూ ఇంటికి చేరుకున్నాక యువతి ఆత్మహత్యకు యత్నించిందని, ప్రస్తుతం ఆమె ఝాన్సీ ఆసుపత్రిలో చికిత్స పొందుతోందని పేర్కొన్నారు. నిందితులపై సామూహిక అత్యాచారం, పోక్సోతోపాటు పలు సెక్షన్ల కింద కేసు నమోదు చేశామని, ముగ్గురిని అరెస్ట్ చేశామని తెలిపారు. నాలుగో వ్యక్తి ఆచూకీ చెప్పినవారికి రూ.10 వేలు రివార్డు ప్రకటించామన్నారు. ఈ ఘటనపై స్పందించిన జిల్లా బీజేెపీ అధ్యక్షుడు సురేెంద్ర బుధోలియా.. బాలిక చెప్పినట్లు నిందితుల్లో తమపార్టీ నేత కుమారుడు ఉంటే.. అతనికి నోటీసులు ఇచ్చి చర్యలు తీసుకుంటామన్నారు.