భారీ వర్షంలో.. పట్టపగలు దర్జాగా బైక్ చోరీ

దొంగలు రోజురోజుకీ రెచ్చిపోతున్నారు అర్ధరాత్రి సమయంలో దొంగతనం చేయడమే కాకుండా ఇప్పుడు పట్టపగలు అందరూ చూస్తుండగానే దొంగతనానికి పాల్పడుతున్నారు. నిన్న మధ్యాహ్నం భారీగా వర్షం కురుస్తున్న సమయంలో ఓ దొంగ గుడి వద్ద పార్కు చేసి ఉన్న బైక్ ను తనదై అన్నట్లుగా బైక్ తీసుకొని అక్కడి నుండి పారిపోయాడు. ఈ ఘటన కామటిపుర పోలీస్ స్టేషన్ పరిధిలో చోటుచేసుకుంది. పుష్పంధర్ అనే వ్యక్తి నిన్న మధ్యాహ్నం 12:30 ప్రాంతంలో కామటిపుర పోలీస్ స్టేషన్ పరిధిలోని పురానాపూల్ స్మశాన వాటికకు ఎదురుగా ఉన్న శివాలయానికి వెళ్ళాడు. ఈ క్రమంలో పుష్పందర్ తన splendor plus (AP12N4563) బైక్ ను గుడి ఎదురుగా పార్క్ చేసి దైవదర్శనానికి వెళ్ళాడు. అయితే భారీ వర్షం కురుస్తున్న సమయంలో ఓ దొంగ గుడి వద్దకు వచ్చి అటు ఇటు చూసి.. పార్క్ చేసి ఉన్న బైక్ ను తన బైకే అన్నట్టుగా దర్జాగా స్ప్లెండర్ ప్లస్ బైక్ తీసుకొని అక్కడనుండి నెమ్మదిగా జారుకున్నాడు.