జేపీ నడ్డా ట్విట్టర్ ఖాతా హ్యాక్.. ఉక్రెయిన్ కు సాయం చేయాలంటూ ట్వీట్లు

న్యూ ఢిల్లీ : బీజేపీ జాతీయ అధ్యక్షుడు, రాజ్యసభ సభ్యుడు జేపీ నడ్డా ట్విట్టర్ ఖాతా హ్యాకింగ్ కు గురైంది. ఆదివారం ఉదయం ఆగంతకులు జేపీ నడ్డా ట్విట్టర్ ఖాతాను హ్యాక్ చేశారు. అనంతరం ఆయన ఖాతా నుంచి రష్యా, ఉక్రెయిన్ లకు సాయం చేయాలంటూ వరుస ట్వీట్లు చేశారు. జేపీ నడ్డా ట్విట్టర్ అకౌంట్ హ్యాక్ అయిందని గుర్తించిన ప్రభుత్వ వర్గాలు వెంటనే చర్యలు ప్రారంభించాయి. ఆయన ఖాతా నుంచి వెలువడిన ట్వీట్లను తొలగించి, అకౌంట్ ను పునరుద్ధరించినట్లు అధికార వర్గాలు తెలిపాయి.