ముడి బాంబుల తయారీ కేంద్రంలో భారీ పేలుడు

ముడిబాంబుల తయారీ కేంద్రంలో భారీ పేలుడు సంభవించి ఒకరు మృతి చెందారు. ఈ ప్రమాదం పశ్చిమ బెంగాల్ లోని ఉత్తర పరగణాల జిల్లాలో జరిగింది. బాంబుల తయారీ కేంద్రంలో జరిగిన పేలుడులో మరొకరికి తీవ్రగాయాలయ్యాయి. త్వరలో అక్కడ పంచాయతీ ఎన్నికలు జరగనున్న నేపథ్యంలో ఇలా బాంబుల తయారీ కేంద్రం ఏర్పాటు కావడమే కాకుండా.. భారీ పేలుడు జరగడంతో.. స్థానికులు భయాందోళన చెందుతున్నారు. సమాచారం అందుకున్న పోలీసులు ఘటనా ప్రాంతానికి చేరుకుని మృతదేహాన్ని పోస్టుమార్టమ్ కు, గాయపడిన వ్యక్తిని చికిత్స నిమిత్తం ఆసుపత్రికి తరలించారు. ఈ ఘటనపై పూర్తి సమాచారం తెలియాల్సి ఉంది.