ఛాటింగ్ లతో జాగ్రత్త.. సైబర్ నేరగాళ్ల కొత్త వ్యూహం ఇదే

ఇలా తూప్రాన్‌లో శనివారం రాత్రి గంటల వ్యవధిలోనే 5 మంది నుంచి సుమారు రూ.30 వేల వరకు కాజేయడం గమనార్హం. వివరాల్లోకి వెళ్తే.. సిద్దిపేట జిల్లా వర్గల్‌ మండలంలోని ఓ గ్రామానికి చెందిన యువకుడు అమెరికాలో ఉన్నత విద్య అభ్యసిస్తున్నాడు. అమెరికాలో ఉంటున్న అతని పేరుతో ఒకతను వాట్సాప్ అకౌంట్ క్రియేట్ చేసి.. ఆ అకౌంట్ నుంచే తూప్రాన్, వర్గల్ మండలాల్లో ఉంటున్న అతని స్నేహితులకు వాట్సాప్ ద్వారా ఫొటో పంపి.. నగదు కోసం వల వేశాడు. ప్లాన్ ప్రకారం.. అమెరికాలో ఉంటున్న వారి స్నేహితుడి లాగానే హాయ్ అంటూ.. మాటలు కలిపి, తన సోదరుడికి అత్యవసరంగా నగదు అవసరం ఉందని నమ్మబలికాడు. ఇలా పలువురికి మెసేజ్ లు చేయగా.. వారంతా రూ.5 వేలు, రూ.4 వేల చొప్పున ఆన్ లైన్ ట్రాన్ శాక్షన్ చేశారు.

ఆ తర్వాత ఆ నెంబర్ స్విచ్ఛాఫ్ అవ్వడంతో.. అమెరికాలో ఉన్న తమ స్నేహితుడిని ఆరా తీయగా.. తాను ఎవ్వరికీ మెసేజ్ లు పంపలేదని, ఎవరినీ నగదు అడగలేదని బదులిచ్చాడు. దాంతో తాము మోసపోయామని గ్రహించారు యువకులు. ఇలా ఇన్‌స్టా, ఫేస్‌బుక్‌, ట్విట్టర్ వంటి సోషల్ మీడియాల్లో ఉన్న మిత్రుల ఫొటోలను వాడుకుని యువతను మోసం చేస్తున్నారు సైబర్ నేరస్తులు. ఇకపై ఇలాంటి మెసేజ్ లు ఏమైనా వస్తే యువత ముందుగానే గ్రహించాలని పోలీసులు విజ్ఞప్తి చేశారు.