మందుబాబు వీరంగం.. కానిస్టేబుల్ గల్లా పట్టుకుని..

సూర్యాపేట జిల్లా కేంద్రంలో ఓ మందుబాబు పీకలదాకా మద్యం సేవించి హల్‌చ‌ల్ చేశాడు. రోడ్డుపై వీరంగం సృష్టిస్తూ వాహ‌న‌దారుల‌ను, బాట‌సారుల‌ను భయభ్రాంతులకు గురి చేశాడు. వివ‌రాళ్లోకెళితే.. హుజూర్ నగర్ నియోజక వర్గం మఠంపల్లిలో ఒక యువకుడు ఫుల్లుగా మద్యం సేవించి రోడ్డు మీదికి వచ్చి నానా హంగామా సృష్టించాడు. రోడ్డు మీద వెళ్తున్న వాహ‌నాలు ఆపాడు. ఓ కారు అద్దాలు కూడా పగల కొట్టాడు. కారులో ఉన్న మ‌హిళ‌ల‌ను భయభ్రాంతులకు గురి చేశాడు.

రోడ్డు మధ్యలో నిలబడి వాహనాలను ఆపుతూ నానా రచ్చ చేశాడు. దీంతో వాహనదారులు తీవ్ర ఇబ్బందులు ప‌డ్డ‌డారు. మందుబాబు గురించి సమాచారం అందుకున్న‌ వెంటనే పోలీసులు ఘటనా స్థలానికి చేరుకున్నారు. అయితే.. మ‌ద్యం మ‌త్తులో ఉన్న ఆ యువకుడు కానిస్టేబుల్ గల్లా పట్టుకుని.. నోటికొచ్చినట్లు తిడుతూ వీరంగం ప్రదర్శించాడు. దీంతో కానిస్టేబుల్ ఆ యువకుడిని బ‌ల‌వంతంగా పోలీస్ స్టేషన్‌కు తరలించారు. ఇందుకు సంబంధించిన వీడియో సామాజిక మాధ్య‌మాల్లో వైర‌ల్ అవుతుంది. పూర్తి వివ‌రాలు తెలియాల్సివుంది.