Hyderabad : తిరగబడ్డారు.. ఎదురు తిరిగారు.. తరమికొట్టారు... దొంగలు పరారయ్యారు

ఒక ఇంట్లో నవరతన్ జైన్ ఆయన భార్యత అమిత మెహోత్ నివాసముంటున్నారు. మధ్యాహ్నం రెండు గంటల సమయంలో ఇద్దరు దుండగులు ఆ ఇంటిలోకి ప్రవేశించారు. ఆ సమయంలో అమిత మేహోత్ తో పాటు ఆమె కుమార్తె, పనిమనిషి మాత్రమే ఉన్నారు. కొరియర్ సర్వీస్ అంటూ వచ్చిన ఇద్దరూ తుపాకీతో బెదిరించి వారి నుంచి బంగారు ఆభరణాలను దోచుకుని పోయేందుకు ప్రయత్నించారు.

అయితే వారిపై ఆ తల్లీ కూతుళ్లు తిరగబడ్డారు. చేతిలో ఉన్న తుపాకీని లాక్కుని మరీ వారిని తరిమికొట్టారు. అయితే వెంటనే వారిని పోలీసులు అదుపులోకి తీసుకున్నారు. ఉత్తర్‌ప్రదేశ్ కు చెందిన సుశీల్ కుమార్, ప్రేమ్‌చంద్ గా గుర్తించారు. గతంలో వీరిద్దరూ ఈ ఇంట్లో పని చేసి పథకం ప్రకారం దోపిడీకి పాల్పడేడేందుకు వచ్చారని పోలీసులు తెలిపారు. తల్లీ కూతుళ్ల ధైర్యసాహసాలను పోలీసులతో పాటు అందరూ మెచ్చుకుంటున్నారు. పోలీసులు కేసు నమోదు చేసి దర్యాప్తు చేస్తున్నారు.